२०८१ मंसिर १४, शुक्रबार ०९:३१
कपिलवस्तुको विजयनगर गाउँपालिका वडा नम्बर २ बस्ने सन्तोष तिवारी (सन्तोष भान्जा ) ले आफ्नो जन्मदिनको अवसरमा बालबालिकाहरूलाई न्यानो लुगा वितरण गर्नुभएको छ ।
विजयनगरमा रहेको नेपाल तारा माध्यमिक विद्यालय महुवाबारीमा अध्ययनरत बालविकासका बालबालिकाहरुलाई न्यानी कपडा वितरण गर्नु भएको हो । बढ्दै गरेको चिसोलाई मध्य नजर गर्दै न्यानो कपडा वितरण गरेको तिवारीले बताउनु भयो ।
जन्मदिनको अवसरमा बालविकासका विद्यार्थीहरूलाई न्यानो लुगा वितरण गरेकोमा नेपाल तारा माध्यमिक विद्यालयले सन्तोष तिवारीलाई धन्यवाद दिएको छ ।
न्यानो लुगा पाएपछि बाल विकासका विद्यार्थीहरू खुसी भएका थिए ।
